LGx15. Ideas para o futuro da lingua 2026

LGx15. Ideas para o futuro da lingua 2026 acontece a 10 de outubro de 2026, Teatro Principal, em Santiago de Compostela.

LGx15 é un evento que inclúe música, humor e charlas con experiencias e propostas pra mellorar o futuro da lingua. Experiencias, argumentos, opinións, propostas, palabras, reflexións... Ideas! LGx15 é iso, un proxecto para a difusión de ideas para o futuro da lingua, que comeza cun evento de charlas e exposición de argumentos e experiencias que poden influír nas actitudes e conciencia lingüística e no futuro do galego. En LGx15 interveñen diversas persoas para transmitir, dun xeito breve, claro e visual –a través de charlas dun máximo de 15 minutos–, ideas e reflexións que poden, e queren, influír no uso e prestixio do galego e/ou nas actitudes e comportamentos lingüísticos, procurando reflexións, accións e cambios. No acto, ademais, hai música e humor, o que o fai un acto festivo e divertido. Despois do evento, as charlas, as ideas, difúndense en vídeo a través da rede. Organiza o LGx15 a Coordinadora de Traballadores/as de normalización da LIngua (CTNL) coa colaboración da Secretaría Xeral da Lingua, do Concello de Santiago de Compostela, de Deleite e da Fundación Galicia Sustentable. Programa completo en: https://www.lgx15.gal/ Velaquí un resumo da edición de 2025: